Unnè cchiù u paisi mij - Tarsia dialetto

Vai ai contenuti
Un né cchiù u pajsi mij.
No, 'un né cchiù u paisi mij,
frustijru oramai, 'ntà stì vij;
cum'a nà palummeddhra,
ppì strittuli e ndì vineddhre,
minni ìja sembi cundijndi,
rassumigliavad'aru vijndu.
Mò, 'nnarrimatu, vaj circanni
facci e pirsuni, persi i tant'anni,
ca m'ani  rimasti  forti 'ndu cori,
cuma 'na carizza cà nun mora.
E nù silenziu mi chiumma 'npijjttu,
sembra ca mi dìcia, cittu cittu:
“jòca ancora ccù nnuvi, 'un fa u ciuùtu,
puri s'un ci simi cchiù,  'unninnàmi jùti”.
Torna ai contenuti