Tristu.
Trist'unnè tant'u juurnu quant'a sira
ppì cchìni ghè custrett'a nà vita lundana,
milli e milli pinzijri 'nd'a capa raggira
all'urtimu rintuuccu i nà cambana.
Cuanni 'ndù cijlu calad'u sulu
si senda stringia tuttu 'ndu cori,
da casa ssua li mancad'u caluru,
du fucularu ppù spinnu sinni mora.
“Ohi luna, ch'iddhrà passi ogni notta,
fammi veni nà sula vota ccù ttìa,
ccù ttìa mi ricuugli a matina doppa,
e ti ringrazij c'ài vista a terra mia”.