Personaggi - Dal sito Tarsiadialetto

Trova significato
Vai ai contenuti

Menu principale:

'Nzorfa

Personaggi

Aru Comunu 'ndà nu quadru ci sù scritti
tutt'i pirsuni du paisi ccù nnù bbuonu dittu:
ghùnu priuri, natu mjidicu, nu magistratu,
chiri jiudici, nù deputatu, n'allittiratu.
Ghìa unni sacci, unni canusci sti ggenti,
à vita ì stì signuri ummì venid'ara mente.
Ma m'arricùurdi, si m'aiutad'a mimoria,
ì tanti facci strani cunnàni fatti à storia:
i Catarina pezza ì lana, nù poca ciota,
ccù nà vesta longa, ara j'jsia divota;
ara Turretta, Gherculuzzu ì fraccola
i tutt'i bannisti nù veru mast'i scola;
ù vijrnu o ara state, dù muru dà timba
Ciddhruzzu tinìja cumizzi'aru vijndu;
e Ninnì, povarijiddhri, sembi 'mbriacu
caminava pinnijnni cchì pedi e cà capa;
Luigi ì tuppi tuppi stavad'aru sijggiu
ara discisa cà portad' aru cancijddhru;
e ppù c'era Ostelio, vùcia murfogna,
ccù diddhru, aru jucu, ghèra scacògna;
ara chiazza Rinaldo avìa nù cappijjddru,
ppì tutti i staggiuni, cà li facìa friddu.
Pirsunaggi curiusi, nù pocu 'nzalanuti,
ma nò ppì chiss dà ggente malivoluti:
unnàni fatt'à storia, nissunu rimpiantu,
eppuri u  Patreternu i tened' aru fiancu.

 
Torna ai contenuti | Torna al menu