'Nà cosa curiusa - Tarsia dialetto

Vai ai contenuti
'Nà cosa curiusa.
                 A mmìa mi para curiusu, stranu
                 cà chiri cà fa fotografie 'ndù paisi
                 ì fa ccù scuru da notti o di lundanu
                 cumi si ni vulissa ammuccià u visu:
                 i muri di casi cadijnni e stunacati,
                 i porti ca si mantenano a malapena,
                 i ciaramili tutti rutti e spaccati,
                 i fili da luci misi cumi vena bbena.
                 “Vendesi” ci stà scrittu sup'i fineste
                 ccù nù nummero i telefono grannu,
                 adduvi nà vota ccèrini gridi e festi
                 mò cè nù silenziu cà para n'affannu.
                 Unnì putimi scancillà sti cosi brutti
                 simi nuvi c'àvimi accussì arriddutti:
                 ppà vrigogna, n'avissimi vesti a luttu
                 e chini unni fotografa, jissi a fa futtu.
Torna ai contenuti