Aru cunsigliu cumunali - Dal sito Tarsiadialetto

Trova significato
Vai ai contenuti

Menu principale:

'Nzorfa

Aru cunsigliu cumunali

L'ata vota, aru Cunsigliu Cumunali,
s'avijni piglià dicisioni 'mpurtandi,
sup'a certi cosi, sicunn'u Principali,
ca riguardavini sti poviri imigrandi.

Ma cumi ghè, cum'unnè, l'à scappata:
“il mio intervento non ammette replica”,
à ditti, ccù l'uucchi stuurti e i jiditi gazati,
e parìa ca ni vulissa fa na bella prijdica.

Rapiti cijli! Tutti chir'i l'ipposizziona,
cumi si fussiri stati muzzicat'i na vespa,
s'ani allundanati i sta specie i riunioni,
e u Cunsigliu an'abbannunati lestu lestu.

A mmia, frustijri 'ndu munnu oramai,
epperò sembi 'nnammurat'i stù paisi,
cù tutt'u spinnu, mi dola e dispiacia assai,
'un ci vulìa manchi cridi a chiri c'ai 'ndisi.

Sup'a vucca , aru posti di paroli,
(ciampijani cchì pedi a democrazzia)
ci vuuni suli mindi na mussarola,
'un sinni parini vrigogna, arrassusia.

“Tarsia bene comune”, accussì s'à chiamata,
m'assumbra ca su sulamende paroli vacanti;
'mmec'i lavurà tutti 'nsijmi, l'uni cù l'ati,
l'opposizziona s'a vulissida 'ncarrà davanti.

 
Torna ai contenuti | Torna al menu