Sirinata - Dal sito Tarsiadialetto

Trova significato
Vai ai contenuti

Menu principale:

'Nzorfa

Sirinata


Sugnu vinutu suttu a stù barcunu,
prontu, ppì tti cantà nà canzuna
ppì tti cantà nà bella sirinata,
accussì si fa ar'annummarata;
ài purtati ccù mmìa atra ggente
ppì falla vinì bbona veramende
chini sòna bbùunu e cchì sà cantà
accussì 'unnì putimi lamindà.
E allura, amuru miu, ccù sindimentu,
accòglini a nuvi, tutta cundenta,
assettat' arrijti a stà finesta,
cavimi cumincià stà bella festa.
E ogni tantu, cumi à ttìa ti piaci,
affacciati ppì mì jittà nù vasu,
sinnò stù cori mij 'un si dà paci:
tu i chist'ammmuru fatti pirsuasa.



 
Torna ai contenuti | Torna al menu